[br][br]Activity 1[br]– विद्यार्थ्यांना आईस्क्रीम कोन, बर्थडे कॅप, पेन्सिलचे टोक,[br]विदूषक टोपी, सर्कसच्या तंबूचे चित्र, भोवरा,[br]धान्याच्या राशीचे फोटो इ. वस्तू हाताळण्यास द्याव्यात. तसेच संबंधित आकारांची माहिती देणाऱ्या[br]slides, video clips दाखवाव्यात.[br][br]Activity 2[br]– शंकू तयार करण्याची कृती गणिती संवादातून स्पष्ट करावी. त्यासाठी वर्तुळपाकळी व शंकू यामधील संबंध कृतीद्वारे स्पष्ट करावा. विद्यार्थ्यांना आयताकृती कागद देऊन त्यापासून शंकू तयार करण्यास सांगावे. यावेळी गणिती संवादातून नेमक्या कृतीकडे न्यावे. (विद्यार्थी त्रिकोणातून शंकू तयार करण्याचा प्रयत्न करतील.[br]परंतु, वर्तुळपाकळीचा खालचा भाग वक्राकार आहे,[br]त्यामुळे शंकूचा खालचा भाग सपाट होईल,[br]म्हणून ते वर्तुळपाकळीचा विचार करणार नाहीत)[br][br]Activity 3[br]– शंकूची लंब उंची व तिरकस उंची यामधील फरक स्पष्ट करण्यासाठी पुढील उदाहरणाचा वापर करावा.[br][br]Activity 4[br]– तयार केलेल्या शंकूच्या मिती (परीघ, लंबउंची,[br]तिरकस उंची) मोजण्यास सांगणे व त्या मितीवरून शंकूचे वक्रपृष्ठफळ,[br]एकूण पृष्ठफळ काढण्यास सांगावे.[br][br]Activity 5[br]– शंकूच्या उंची व त्रिज्येएवढ्या मितीची वृत्तचिती शंकूच्या तीन पायांनी वृत्तचिती भरते, हे गणिती संवादाने कृतीने स्पष्ट करावे. त्यातून शंकूच्या व वृत्तचितीच्या घनफळाचा सहसंबंध लक्षात आणून द्यावा. Video clip चाही प्रभावी वापर करावा.[br][br] [br][br]

[br][br]शंकूछेद[br][br]Activity 1[br]– पेपरग्लास, चहाचा कप, स्टील-काचेचा ग्लास, झाडाची कुंडी यांसारख्या वस्तू विद्यार्थ्यांना हाताळण्यास द्याव्यात.[br]या प्रकारच्या परिसरातील वस्तूंची विद्यार्थ्यांकडून माहिती घ्या. ही सर्व शंकूछेदाची उदाहरणे आहेत.[br]हे शंक्वाकृती वस्तूंशी तुलना करून विद्यार्थ्यांना पटवून द्या.[br][br]Activity 2[br]– शंकूला समांतर पद्धतीने आडवा काप घेतल्यास शंकूछेद तयार होतो, हे स्पष्ट करण्यासाठी गणिती संवादाद्वारे शंकूछेद करण्याची कृती करा.[br][br]या पद्धतीने प्रत्यक्ष काप घेऊन वरीलपैकी कोणत्याही प्रकारचा काप योग्य आहे, ते गणिती संवादाद्वारे उद्‍धृत करा.[br][br]Activity 3[br]– उपलब्ध शंकूछेद आकाराच्या (उदा.[br]गुळाची ढेप) वस्तूंच्या मिती (तळाचा व वरचा परीघ, तिरकस उंची,[br]लंब उंची) मोजण्यास सांगावे. (शंकूछेदाच्या बाहेरील कडांपासून लंबरित्‍या दोरा टांगल्यास लंबउंची मोजता येऊ शकेल)[br][br]Activity 4[br]– बादलीची मिती मोजून बादलीत किती घ.सेमी किंवा किती लिटर पाणी मावेल, ते विद्यार्थ्यांना मोजण्यास सांगावे.[br][br]