Скай Жен FutureLearn-д Олон улсын хөгжлийн дэд ерөнхийлөгчөөр ажилладаг. [br]Интерактив Про, Глобал Юниверсити Системс, Сандерландын Их Сургууль, Бирмингем хотын Их Сургуульд ажиллаж байсан туршлагатай. [br]Скай Жэн 2007-2011 онд Лондонгийн Их Сургуулийн Биркбекийн Соёл хоорондын боловсрол ба соёл хоорондын харилцааны чиглэлээр докторын зэрэг хамгаалсан.

Профессор Диана Лориллард 2005 оноос хойш Лондон Коллеж Их сургуулийн Мэдлэг Лабораторийн Дижитал Технологитой суралцах тэнхимийн эрхлэгчээр ажиллаж байна. Тэрээр сургалтын чанар, боловсролын хүртээмжийг нэмэгдүүлэхэд дижитал технологийг ашиглах чиглэлээр арвин туршлагатай.[br][br]Диана Лориллард 1978 онд Суррейн их сургуульд "Оюутны суралцахуйн танин мэдэхүйн болон контекстийн тодорхой хүчин зүйлсийн хоорондын хамаарлыг судлах" сэдвээр докторын зэрэг хамгаалсан.[br][br]Профессор Диана Лориллард Эдинбургийн Напиерийн их сургууль, Брайтоны их сургууль, Нидерландын их сургууль, Абертай их сургуулиудын Хүндэт доктор юм.

Шу Миншунг нь Хөгжиж буй орнуудын боловсролын судалгаа, хөгжүүлэлтийн чиглэлээр ЮНЕСКО-д 5 жил гаруй ажилласан туршлагатай, хүсэл эрмэлзэлтэй залуу мэргэжилтэн юм. Түүний хүсэл эрмэлзэл нь бүх нийтийн боловсролын хүртээмжтэй, тэгш байдлыг хангахад чиглэсэн НҮБ-ын Тогтвортой хөгжлийн 4-р зорилтыг хэрэгжүүлэхэд оршдог.[br][br]Миншунгийн ажил, туршлага нь дээд боловсрол дахь дижитал шилжилттэй холбоотой багшийн мэргэшлийн хөгжлийн хөтөлбөрийг боловсруулж, хэрэгжүүлэхэд чиглэгддэг. Тэрээр Төв Ази, Зүүн Ази, Өмнөд Ази, Латин Америкийн их сургуулийн мэргэжилтнүүдэд зориулсан дээрх чиглэлийн хөтөлбөрүүдийг амжилттай хэрэгжүүлсэн. Тэрээр дээрх бүс нутгуудын дээд боловсролын дижитал шилжилтийн талаар хийгдсэн судалгаа, нөхцөл байдлын тайланг боловсруулж бэлтгэхэд тодорхой хувь нэмэр оруулсан бөгөөд тэдгээр тайлан, судалгааны ажлууд нь дижитал технологийг нэвтрүүлэхэд боловсролын байгууллагуудад тулгарч буй сорилт, боломжуудын талаар үнэ цэнтэй мэдээллийг агуулсан.[br][br]Мингшун нь Хятадын мэдээллийн технологийн шилдэг аж ахуйн нэгжүүдээс Монгол, Балба, Узбекистан, Киргиз улсуудад хандивласан тус бүр нь 70,000 ам.долларын үнэтэй Ухаалаг ангийн тоног төхөөрөмж, техник хэрэгслүүдийг нийлүүлэх бүхий л үйл ажиллагаанд оролцож, хурдан шуурхай удирдан чиглүүлж байсныг онцлон тэмдэглэх нь зүйтэй. Мөн Хосолсон сургалтыг зохион байгуулах арга зүйг туршин нэвтрүүлэх чиглэлээр хариуцсан бүс нутгийн болон тухайн бүс нутгийн улс орнуудын хэмжээнд сургалт, судалгаа, хурал, зөвлөгөөн, уулзалт, уралдаант шалгаруулалт зэрэг олон төрлийн арга хэмжээг зохион байгуулж боловсролын салбарын мэргэжилтнүүдийн хамтын ажиллагаа, мэдлэг туршлагаа солилцох үйл ажиллагааг дэмжин чухал үүрэгтэйгээр оролцдог.