O [url=http://es.wikipedia.org/wiki/Cuarteto_de_Anscombe]cuarteto de Anscombe[/url] comprende catro conxuntos de datos que teñen as mesmas propiedades estatísticas, porén, ao inspeccionar os seus gráficos respectivos resultan ser notoriamente distintos.[br][br]Construídos por F. J. Anscombe, cada conxunto consiste en once puntos (x, y). Podes velos todos na folla de cálculo.[br][br]O primeiro conxunto mostra o que semella unha relación lineal simple, correspondente a dúas variables correlacionadas cumprindo coa suposición de normalidade. O segundo conxunto non está distribuído normalmente; namentres se observa relación entre os datos esta non é lineal e o coeficiente de correlación de Pearson non é relevante. No terceiro conxunto a distribución é lineal, mais observamos que o dato extremo inflúe o suficiente como para alterar a liña de regresión e diminuír o coeficiente de correlación de 1 a 0,82. Por último, o cuarto conxunto é un exemplo de mostra na que un valor atípico é suficiente para producir un coeficiente de correlación alto incluso cando a relación entre as dúas variables non é lineal.