Liburuaren Editoreko Izenburuaren Orrialdearen bidez zure GeoGebra-liburuari buruzko oinarrizko informazioa eta metadata idatzi ahal izango duzu. Oharra: Metadatak GeoGebra-komunitateko beste erabiltzaile batzuei zure baliabideak bilatzen lagunduko die eta, horrela, zure esfortzuaz eta trebeziaz baliatuko dira.

1. Izenburua: Idatzi zure GeoGebra-liburuaren Izenburua.
2. Hizkuntza: Zehaztu zure GeoGebra-liburuaren Hizkuntza nagusia gure GeoGebra-komunitate internazionaleko erabiltzailei baliabideak nahiago duten hizkuntzan aurkitzen laguntzeko.
3. Laburpen Txikia: Gehitu zure GeoGebra-liburuaren Deskribapena beste erabiltzaileek bilatzen ari direna zure baliabidea ote den errazago erabaki dezaten (hautazkoa).
4. Helburu-taldea (Adina): Zehaztu GeoGebra-liburu honekin lan egingo duen Helburu-taldearen adina.
5. Fitxak: Txertatu beste erabiltzaileei zure GeoGebra-liburua aurkitzen lagunduko deiten Fitxak (gako-hitzak).
6. Ikusgaitasuna: Erabaki zein izango den zure Liburuaren Ikusgaitasun-egoera eta zehaztu zer erabiltzailek ahal izango duten aurkitu eta erabili zure Liburua. Aukera hauek dituzu:
   • Agerian: Beste erabiltzaileek zure Liburua aurkitu eta ikus dezakete.
   • Esteka bidez partekatua: Zure Liburuaren esteka duten erabiltzaileek soilik ikus dezakete. Ohartu ez dela beste erabiltzaileen bilaketa-emaitzetan azalduko.
   • Pribatua: Beste erabiltzaileek ezin dute zure Liburua ikusi eta ez da beraien bilaketa-emaitzetan azalduko.

Zure Liburu berriaren informazioa idazten bukatzen duzunean, klikatu Gorde eta hasi edukia gehitzen. Liburuaren Editoreko Izenburuaren Orria fitxan edozein momentutan edita dezakezu metadata. Oharra: GeoGebra-liburua sortzerakoan zure lana Creative Commons: Attribution Share Alike lizentziapean argitaratzea onartzen ari zara.

Izenburuaren Orrialdea gorde eta gero Liburuaren Editorea automatikoki zabalduko da, Edukia fitxa zabalik duela. Orain aukera hauek dituzu...

• lehendik sortutako Lan-orriak gehitu.
• Lan-orri berriak sortu.
• zure Liburua egituratu, kapituluak txertatuz.

Gehitu Kapitulua Egituratu zure GeoGebra-liburua hainbat kapitulu sortuz (hautazkoa). Horretarako, aukera hauek dituzu: Kapitulu Berria: Azalduko den leihoan kapituluaren Izena zehaztu eta hautazkoa den Laburpen Txikia idaz dezakezu. Bukatzen duzunean, klikatu Gorde. Lehendik Sortutako Kapitulua: Zure Libururen baten kapituluaren kopia egin edo beste erabiltzaileren baten agerian dagoen GeoGebra-libururen bat bila dezakezu bere kapitulu bat zure Liburu berrian inportatzeko.

1. Azalduko den leihoan, bilatu kapitulua kopiatu nahi duzun Liburua.
2. Nahi zenuen Liburua aurkitu eta gero, klikatu Ikusi Edukia bere kapituluen ikuspegi orokorra agertarazteko.
3. Aukeratu zure Liburuan kopiatu nahi d(it)uzun kapitulua(k).
4. Klikatu Inportatu hautatutako kapitulua(k) zure GeoGebra-liburu berrian gehitzeko.

Oharra:

• Zure GeoGebra-liburuan gehitu dituzun kapitulu guztiak Kapituluak ikuspegi orokorrean azaltzen dira.
• Kapituluaren izenaren ondoan dagoen Editatu ikonoa klikatuz, kapituluaren izena edota edukia edozein momentutan edita dezakezu.
• Kapituluen ordena alda dezakezu arrastatu eta utziz.
• Kapituluaren izenaren ondoan dagoen Ezabatu ikonoa klikatuz, zure Liburutik kapitulua ezaba dezakezu.

Gehitu Lan-orria Orain GeoGebra-baliabideen Plataformatik zure GeoGebra-liburuan baliabideak gehi ditzakezu. Aukeratu baliabideak gehitu nahi dituzun kapitulua (hautazkoa) eta klikatu Gehitu Lan-orria hurrengo aukeretakoren bat erabili ahal izateko: Lan-orri Berria: Sortu Lan-orri Dinamiko berria linean dagoen Lan-orriaren Editorea erabiliz. Zure Lan-orri Dinamikoan Testua, GeoGebra-eraikuntzak, Bideoak, Irudiak edota Ariketak gehi ditzakezu edo, bestela, Lan-orriaren Ezarpenetan metadata idaz dezakezu. Oharra: Orain zure lan-orria Liburuaren Lan-orrien ikuspegi orokorrean azalduko da. Lan-orriaren izenaren ondoan dagoen Editatu ikonoa klikatuz, lan-orriaren izena edota edukia edozein momentutan edita dezakezu. Lehendik Sortutako Lan-orria: Bilatu zureak diren edo agerian dauden besteen baliabideak. Erabaki zer Lan-orri gehitu nahi duzun zure GeoGebra-liburuan eta klikatu baliabideran izenaren eskuineko Gehitu. Oharra:

• Kapitulu batean gehitzen dituzun baliabide guztiak aukeratutako kapituluaren Lan-orrien ikuspegi orokorrean azaltzen dira.
• Lan-orriaren izenaren ondoan dagoen Editatu ikonoa klikatuz, zure GeoGebra-liburuko lan-orria edita dezakezu.
• Kapitulu bateko Lan-orrien ordena aldatu edo lan-orriak beste kapitulu batera mugi ditzakezu arrastatu eta utziz.
• Baliabidearen izenaren ondoan dagoen Ezabatu ikonoa klikatuz, zure Liburutik lan-orria ezaba dezakezu.

Ikusi Liburua Zure GeoGebra-liburua aurreikus dezakezu. Oharra: Goiburuko Editatu ikonoa erabil dezakezu Liburuaren Editorera itzultzeko eta zure Liburuan aldaketak egiteko.