Grazas a esa referencia na rede que é o blog [url=https://www.gaussianos.com/]Gaussianos[/url] descubrín a existencia dunha constante universal das parábolas, que aparece inmutable en todas as parábolas ao facer un certo cociente.[br][br]Trazamos a recta paralela á directriz que pasa polo foco, e consideramos as dúas interseccións desta paralela coa propia parábola. Pois ben, o cociente entre o arco de parábola que une esas interseccións e o segmeto perpendicular dende o foco ata a directriz... sempre dá o mesmo resultado! [math]\sqrt{2}+\ln\left(1+\sqrt{2}\right)\simeq2'295587149...[/math], nin máis nin menos.[br][br]Nos círculos aparece a constante [math]\pi[/math] coma o cociente entre a lonxitude da circunferencia e o seu diámetro. Pois ben, as parábolas tamén teñen a súa propia constante de xeito similar. E ao igual que [math]\pi[/math], resulta que [math]\sqrt{2}+\ln\left(1+\sqrt{2}\right)[/math] tamén é transcendente. Abraiante.