[b][math]\[\int {f\left( x \right)dx = F\left( x \right) + C} \][/math]
[b]1. ТОДОРХОЙ БУС ИНТЕГРАЛ[/b]
[/b]
[b][i]ИНТЕГРАЛЧЛАХ ҮЙЛДЭЛ[/i][/b]
Дифференциал тооллын үндсэн үйлдэл бол өгөгдсөн функцийн уламжлалыг нь бодож олоход оршино. Математикт ямар нэгэн үйлдлийг судлах явцад энэ үйлдлийн урвуу үйлдлийн тухай асуудал ямагт тавигддаг. Дифференциалчлалын урвуу үйлдэл болох өгөгдсөн уламжлалаар нь анхны функцийг олох үйлдлийг интегралчлал /эсвэл интегралчлах үйлдэл/ гэнэ. Интегралын чанарууд ба интегралчлалын аргуудыг судалдаг математик анализын салбарыг интеграл тоолол гэнэ.
Интеграл тооллын үндсэн ухагдахуунууд нь эх функц, тодорхой бус интеграл, тодорхой интеграл бөгөөд эдгээр нь функцийн хязгаарын онол ба уламжлалд тулгуурлагдана.
